चुनावी दौडाहामा ओली, आज हुम्लामा

हुम्ला । स्थानीयतहको चुनाव केन्द्रीत कार्यक्रममा दैनिक जसो सहभागिता जनाई रहेका नेकपा एमालेका अध्यक्ष केपी शर्मा ओली आज कर्णालीको हुम्लाका दुईवटा कार्यक्रममा सहभागी हुदैछन् ।

हुम्लाको सिमकोट र अदानचुलीमा आयोजना गरिएका पार्टी प्रवेश र चुनावी आमसभालाई सम्बोधन गर्न अध्यक्ष ओली हुम्ला जान लागेका हुन ।

ओलीले लिली भ्याली अवलोकन, हल्जी गाउँमा स्थानीयबासीसँग अन्तरक्रिया गर्ने कार्यक्रम रहेको छ । त्यसैगरी लाप्चाबाट मानसरोवरको दृष्य अवलोकन गर्ने कार्यक्रम छ ।
अध्यक्ष ओलीका साथ उपाध्यक्ष विष्णु पौडेल पनि हुम्ला जाँदैछन् ।