काठमाडौ । नेकपा एमालेका अध्यक्ष केपी शर्मा ओलीले आज विभिन्न क्षेत्रका युवाहरुसँग अन्तरक्रिया गर्दैछन् ।
गोदावरीमा दिउसो १२ बजे अध्यक्ष ओलीले पेशागत क्षेत्रका युवाहरुसँग देशको समसामयिक परिस्थिती, समृद्ध नेपाल, सुखी नेपालीको राष्ट्रिय आकांक्षा पुरा गर्न निर्वाह गर्नुपर्ने भूमिकाको बिषयमा अन्तरक्रिया गर्न लागेको उनको सचिवालयले जनाएको छ ।
कार्यक्रममा चिकित्सा, इन्जिनियरिङ, अर्थ, कृषि, उद्योग लगायतका क्षेत्रमा संलग्न करिब १२ जना युवाहरुले आफ्नो धारणा राख्नेछन् ।
त्यसपछि अध्यक्ष ओलीले नेपालको विकास र समृद्धिको अहिलेको अवस्था, आफू सरकारमा रहँदा गरेका प्रयासको चर्चा गर्नेछन् ।
कार्यक्रममा सहभागी युवाहरुसँग केहीबेर प्रश्नोत्तरको कार्यक्रम पनि राखिएको छ । कार्यक्रमम करिब तीन घण्टासम्म सञ्चालन हुने अध्यक्ष ओलीको सचिवालयले जनाएको छ ।
प्रतिक्रिया दिनुहोस्