फूटसल प्रतियोगिता गरेर जन्मदिन

काठमाण्डौ । मानिसहरुले आफ्नो जन्मदिनलाई बिभिन्न तरिकाले मनाउने गर्दछन् । मदन भण्डारी स्पोर्टस एकेडेमीका केन्द्रिय अध्यक्ष ध्रुब आचार्यले भने खेल गतिविधि मार्फत आफ्नो जन्मदिन मनाएका छन् ।
अध्यक्ष आचार्यको जन्मदिनमा बुधबार काठमाण्डौमा मैत्रीपूर्ण फूटसल प्रतियोगिता भएको छ । एकेडेमी र स्वास्थ्यकर्मीहरुको समुहवीच प्रतियोगिता सम्पन्न भएको हो । अध्यक्ष आचार्य आफै पनि प्रतियोगितामा सहभागि भएका थिए ।
काठमाण्डौस्थित मेट्स फुटसल ग्राउण्डमा सम्पन्न प्रतियोगिता रोमाञ्चक थियो ।

प्रतियोगितामा स्वास्थ्यकर्मी समुहबाट डा.सञ्जिबभक्त बिष्ट, डा.दमन साउद, डा.रोमन धिताल, डा.सुजन महर्जन, गम्भीर लामिछाने, प्रेम बिष्ट लगायत खेलेका थिए । उक्त समुहको नेतृत्व नेपाल नेश्नल अस्पताल काठमाण्डौका मेडिकल डाइरेक्टर डा।प्रकाश पौड्यालले गरेका थिए ।

एकेडेमीको समुहबाट अध्यक्ष ध्रुब आचार्य, सल्लाहकार प्रा.पशुपति अधिकारी, सल्लाहकार दीपक ज्ञवाली, कार्यलय सचिब बिनोद आचार्य, सचिबालय सदस्यहरु मनोज खड्गी, सुन्दर थापा,केन्द्रिय सदस्य प्रेम सुवेदी लगायत खेलेका थिए ।