काठमाडौं । नेकपा एमालेका अध्यक्ष केपी शर्मा ओलीले सत्तारुढ गठबन्धन कांग्रेस निर्देशित राजनीतिक पार्टीमा परिणत भइसकेको टिप्पणी गर्नुभएको छ ।
आज आयोजित एमाले निकट भुपू सैनिकको कार्यक्रममा सम्बोधन गर्दै ओलीले गठबन्धनका कुनै पनि दलसँग एक्लै चुनावमा जाने हिम्मत नरहेको बताउनुभयो ।
अध्यक्ष ओलीले भन्नुभयो, ‘उनीहरुको नसिवमै गठबन्धन लेखेको छ। डुब्न लागेकाहरु गठबन्धनको त्यान्द्रो समातेर ज्यान जोगाउन खोजिरहेको छ । डुब्न लागेकाहरु एउटाले अर्कालाई तानिरहेका छन् । तर, यिनीहरु सबै डुब्छन् ।’
अध्यक्ष ओलीले गठबन्धनका दलहरुमा एकअर्काप्रति अविश्वास रहेको उल्लेख गर्नुभयो । उहाँले भन्नुभयो, ‘बिहान भन्छन्– हामीलाई हेप्यो, यस्तै चाल हो भने अर्को मोर्चा बनाउँछौं । दिउँसो अलिकति डराउँछन् । होइन, यो मोर्चा त कायमै राख्नुपर्छ भन्छन् । बेलुकातिर यो गठबन्धन चुनावपछिसम्मै कायम राख्नुपर्छ भन्छन् । राति सुत्छन् । छटपटी हुन्छ । के गरेर जोगिने होला भनेर सोच्न थाल्छन् । अनि बिहान उठेर फेरि धम्क्याउँछन् ।’
‘यो कांग्रेस निर्देशित विचार समूह हो । यो कम्युनिष्ट विरोधि, प्रगति विरोधि, राष्ट्रियता विरोधी, लोकतन्त्र विरोधि समूह हो । यससँग हामीले लड्नुपर्छ । एक्लै लड्न सक्षम छौं’ अध्यक्ष ओलीले भन्नुभयो ।
प्रतिक्रिया दिनुहोस्