विश्व प्रसिद्ध उपन्यासकार सलमान रुस्दीमाथि आक्रमण भएको छ।
अमेरिकाको न्युयोर्कमा एक कार्यक्रममा मञ्चमा बसिरहेका बेला रूस्दीमाथि छुरा प्रहार भएको हो। उनको घाँटी र पेटमा छुरा हानिएको न्युयोर्क प्रहरीलाई उद्धृत गरी समाचार संस्था एपीले जनाएको छ।
रुस्दीलाई हेलिकप्टरबाट तत्कालै नजिकैको अस्पतालमा लगिएको छ। उनको भेन्टिलेटरमा उपचार चलिरहेको र बोल्न नसक्ने अवस्था रहेको अस्पताललाई उद्धृत गर्दै बीबीसीले जनाएको छ।
प्रहरीले आक्रमणकारी फेयरभ्यु, न्यु जर्सीका २४ वर्षीय हादी माटरलाई पक्राउ गरेको छ। उनलाई घटनास्थलबाटै पक्राउ गरिएको न्यूयोर्क प्रहरीले जनाएको छ। आक्रमणको कारण स्पष्ट नभएको राज्यका प्रहरी मेजर युजीन स्टानिस्जेस्कीले बताए।
प्रतिक्रिया दिनुहोस्