काठमाडाैँ । नेकपा माओवादी केन्द्रको स्थायी समिति, पोलिटब्युरो र केन्द्रीय समितिमा रहने सबै नेताको सूचि तयार भएको छ ।
बुधबार बसेको माओवादी स्थायी समिति बैठकले पदाधिकारीबाहेक सबै कमिटीमा रहने नेताहरुको नाम टुंगो लगाएको हो ।
सबै स्थायी समिति, पोलिटब्युरो र केन्द्रीय समितिमा रहेका नेताहरुको नाम बिहीबारको स्थायी समिति बैठकपछि सार्वजनिक गरिने एक नेताले जानकारी गराए ।
माओवादी केन्द्रले बुधबार बस्ने स्थायी समिति बैठकबाट पदाधिकारीको पनि टुंगो लगाउने भएको छ ।
एक स्थायी समिति सदस्यले भने,‘पार्टी बैठकमा भोलि पदाधिकारी टुंगो लगाउने निर्णय भएको छ । अध्यक्ष प्रचण्ड कमरेडले पदाधिकारीमा बस्ने नेताको नाम समेत प्रस्ताव गर्नुहुनेछ ।’
बैठकपछि सञ्चारकर्मीहरूसँग बोल्दै पार्टीका प्रवक्ता कृष्णबहादुर महराले संगठन सम्बन्धी एजेण्डामा छलफल केन्द्रित भएको बताए ।
प्रतिक्रिया दिनुहोस्