काठमाडौं । नेपालकी रशिला तामाङले स्वीटजरल्यान्डमा सम्पन्न अल्ट्रा टुर मोन्टे रोसा यूटीएमआर को १०० किलोमिटर अल्ट्रा दौडमा उपाधि जितेकी छन् ।
स्वीटजरल्याण्डको ग्राचेनमा सम्पन्न मिसाबेल १०० किटोमिटरमा रशिलाले निर्धारित दूरी १८ घण्टा ५८ मिनेट २८ सेकेण्डमा पुरा गर्दै चेक रिपब्लिककी मिसेला मेर्टोभालाई १ घण्टा ३४ मिनेट १८ सेकेण्डले पछि पारेर उपाधि जितेकी हुन् ।
नेपालकै अनिता राई २० घण्टा २४ मिनेट १० सेकेण्डमा दौड पूरा गर्दै तेस्रो भइन् । उनी दोस्रो भएकी मिसेला मेर्टोभाभन्दा जम्मा ८ सेकेन्डले पछि परिन् । मेर्टोभाले २० घन्टा २४ मिनेट १० सेकेन्डमा निर्धारित दूरी पूरा गरिन् ।
यस्तै पुरुषतर्फ नेपालका भीम गुरुङ दोस्रो भए । भिमले निर्धारित दुरी १६ घण्टा २९ मिनेट ३९ सेकेण्डमा पूरा गरे । स्वीट्जरल्याण्डका दानियल बेर्च्टोल्डले १५ घण्टा ३९ मिनेट १२ सेकेण्डमा दौड पूरा गर्दै पहिलो भए ।
नेपालबाट तीन धावकले सहभागिता जनाएकोमा तीनै जना शीर्ष तीनमा रहन सफल भएका हुन् ।
प्रतिक्रिया दिनुहोस्