काठमाडौं । नेकपा (एमाले) का अध्यक्ष केपी शर्मा ओलीसँग विश्व बैंकका उपाध्यक्ष मार्टिन रसेरले शिष्टाचार भेट गरेका छन् ।
चारदिने नेपाल भ्रमणमा रहेका रसेरले अध्यक्ष ओलीे निवास बालकोटमा आज भेट गरेका हुन ।
भेटमा उपाध्यक्ष रसेरले विश्व बैंक नेपालसँग दीर्घकालीन र बलियो साझेदारी गर्न चाहेको र त्यसका लागि उपयोगी र अति आवश्यक आयोजनाहरूको छनौट पनि भएको वताए ।
सो अवसरमा अध्यक्ष ओलीले राजनीतिक, आर्थिक, सामाजिक चुनौतीका बावजुद नेपाल विकास यात्रामा अगाडि नबढी रहन सक्दैन भने ।
अध्यक्ष ओलीले कुनै उद्देश्य, गन्तव्य र दृष्टिकोण नभएको वर्तमान गठबन्धन सरकारले रोकेका देशको विकास र गरिबी निवारणका कामलाई आगामी निर्वाचनपछि एमालेले सरकार गठन गरी अगाडि बढाउने वताए। उनले देशको अर्थतन्त्रलाई चलायमान बनाउन सहयोग पुर्याइने वताए ।
भेटमा नेकपा (एमाले) का उपमहासचिव विष्णु रिमाल र डा.अन्जान शाक्य सहभागी थिए ।
प्रतिक्रिया दिनुहोस्