झापा । नेकपा एमालेका अध्यक्ष केपी शर्मा ओलीले राष्ट्रिय हित र राष्ट्रिय गौरवलाई अगाडि बढाउन सक्ने पार्टी एमाले बाहेक अरू कोही नभएको बताएका छन ।
एमालेले झापाको दमकमा आयोजना गरेको बृहत् पार्टी प्रवेश कार्यक्रमलाई सम्बोधन गर्दै अध्यक्ष ओलीले लोकतन्त्रको सुदृढीकरण गर्ने र देश विकासलाई प्रभावकारी ढङ्गले अघि बढाउने पार्टी पनि एमाले बाहेक अरू नभएको बताए ।
एमालेको विजय भनेको एमालेले सुरु गरेको विकास र समृद्धिको निरन्तरता हुने ओलीले बताए । अध्यक्ष ओलीले भने ‘जहाँ जहाँ एमालेले टेक्यो, त्यहाँ त्यहाँ नेपालको विकास अगाडि बढ्यो ।’
३० वर्षमा नभएका काम एमालेले ३ वर्षमा सम्पन्न गरेको उनले बताए । देशमा विकास र समृद्धिको क्षेत्रमा एमालेले आमूल परिवर्तन ल्याएको ओलीकाे भनाइ छ ।
अहिलेको सत्ता गठबन्धन खानको लागि बनेको गठबन्धन भएको उनले बताए । यसले देशलाई लुट्ने र खाने बाहेक केही नगर्ने उनको भनाइ छ ।
अध्यक्ष ओलीले भने ‘यस गठबन्धनबाट कुनै आशा, भरोसा केही पनि गर्न सकिँदैन, देशलाई बरबाद बनाउँछ।’
प्रतिक्रिया दिनुहोस्