दार्चुला, । दार्चुलामा सत्ता गठबन्धन र नेकपा (एमाले)का कार्यकर्ताबीच झडप हुँदा एक गम्भीर घाइते भएका छन् । जिल्लाको नौगाड गाउँपालिका वडा नं. ६ धुलीगाडामा कार्यकर्ताबीच भएको झडप नेकपा माओवादी केन्द्रका जयभानसिंह धामी गम्भीर घाइते रहेका हुन् ।
जिल्ला प्रहरी कार्यालयका सूचना अधिकारी राजेश शाहीका अनुसार ३५ वर्षीय धामीको प्राथमिक स्वास्थ्य केन्द गोकुलेश्वरमा उपचार हुन नसकेपछि थप उपचारका लागि कैलालीको धनगढी पठाईएको छ । घाइते धामी माओवादी केन्द्र काठमाडौँ–दार्चुला सम्पर्क समन्वय समितिका अध्यक्ष हुन् ।
यसअघि गत साता सत्ता गठबन्धन र एमाले कार्यकर्ताबीच अपिहिमाल गाउँँपालिकामा दोहोरो झडप भएको थियो । घटनापछि उक्त क्षेत्रमा थप सुरक्षाकर्मी परिचालन गरिएको सूचना अधिकारी शाहीले बताए । सो क्षत्रमा नेपाल प्रहरीका साथै सशस्त्र प्रहरीसमेत परिचालन गरिएको छ ।
प्रतिक्रिया दिनुहोस्