बाजुरा, ।, नेकपा एमाले जिल्ला कमिटी सदस्य छप्किलाल बुढा नेपाली कांग्रेसमा प्रवेश गरेका छन् । कांग्रेसको चुनावी घरदैलो अभियानमा बुढालगायत हिमाली गाउँपालिका–५ का २८ घरपरिवार नेकपा एमाले परित्याग गरी नेपाली कांग्रेसमा प्रवेश गरेका हुन् ।
कांग्रेस गाउँकार्य समितिका सभापती अम्मलाल कार्कीका अनुसार वडा नं. ५ बच्छ्याका १४ घरपरिवार र क्युडी गाउँका १४ घरपरिवार गरि २८ परिवार नेकपा एमाले परित्याग गरी कांग्रेसमा प्रवेश गरेका छन् । नेपाली कांग्रेस वडा समितिका सभापति वीर बहादुर बुढा, कार्यक्रमका प्रमुख अथिति रमेश वि क , बिशिस्ट अतिथि अम्मलाल कार्कीलगायतले नवप्रवेशीहरुलाई स्वागत गरेका थिए ।
मंसिर ४ गते हुने प्रतिनिधि सभा तथा प्रदेशसभा सदस्यका लागि हुने निर्वाचन लक्ष्यित कांग्रेसको घरदैलो अभियान नितन्तर भईरहको छ । निर्वाचनको दिन नजिकिदै गर्दा जिल्लाभर विभिन्न पार्टी परित्याग गरि कांग्रेसमा प्रवेश गर्नेहरुको जन लहर बढिरहेको सभापति कार्कीले बताए ।
उहाँका अनुसार नेकपा एमाले परित्याग गरि प्रवेश गर्नेमा छ्प्कीलाल बुढा लगायत मन बहादुर बुढा, नरे बुढा, जङ्ग बुढा, कण बहादुर भन्डारी, सुर्य ढोली, माङ्ले बुढा, दिल बहादुर बुढा, जय बिढा, धन बुढा, चाउरे बुढा, लाल बहादुर सुनार, कुल बुढा, चिने लवार, मानिबिर लवार, अईमान लवार, धौल्या लवार, राजेन्द्र रोकाया, बाजुकला रोकाया, धनकला लवार, धर्मा लवार, बिरेन्द्र रोकाया लगायत २८ घरपरिवार रहेका छन् ।
प्रतिक्रिया दिनुहोस्