काठमाडौं । नेपाली बजारमा आज सुनको मूल्य केही घटेको छ । शुक्रबारको कारोबार मूल्यको तुलनामा आज सुनको भाउ केही घटेको नेपाली सुनचाँदी व्यवसायी महासंघले जनाएको छ ।
महासंघका अनुसार आज छापावाल सुनको मूल्य तोलामा १ लाख ५ हजार रुपैयाँ छ । यस्तै, तेजावी सुनको मूल्य तोलामा १ लाख ४ हजार ५०० रुपैयाँ छ । गत साताको शुक्रबार छापावाल सुनको मूल्य तोलामा १ लाख ५ हजार २०० र तेजाबी सुनको मूल्य तोलामा १ लाख ४ हजार ७०० रुपैयाँ थियो ।
पछिल्लो समय निरन्तर बढिरहेको सुनको मूल्य आज भने घटेको हो । विहीबार तोलामा १ लाख ४ हजार ५०० रहेको सुनको मूल्य शुक्रबार एकै दिन ७०० रुपैयाँले बढेको थियो । सुनको मूल्य घटेपनि आज चाँदीको मूल्य भने स्थिर छ । आज चाँदीको मूल्य तोलामा १ हजार ३७५ रुपैयाँ छ । गत साताको शुक्रबार पनि यही मूल्यमा चाँदीको कारोबार भएको थियो ।
प्रतिक्रिया दिनुहोस्