शहीद स्मारक ए डिभिजन लिगमा आज दुई खेल हुँदै

काठमाडौं । शहीद स्मारक ए डिभिजन लिग अन्तर्गत आज दुई खेलहरु हुँदैछन्। लिगको दोस्रो लेगको सातौं चरण अन्तर्गत मंगलबार दुई खेलहरु हुने भएका हुन्। जसमा एक खेल एन्फा कम्प्लेक्स र एक खेल दशरथ रंगशालामा हुनेछन् । त्रिपुरेश्वरस्थित दशरथ रंगशालामा हुने खेलमा सातदोबाटो

युथ क्लब र एफसी खुमलटारबीच प्रतिस्पर्धा हुनेछ। सातदोबाटो र खुमलटारबीचको खेल दिउँसो ३ बजे सुरु हुनेछ। यस्तै एन्फा कम्प्लेक्समा थ्री स्टार क्लब र नेपाल पुलिस क्लबबीच प्रतिस्पर्धा हुनेछ। दुई टोलीबीचको खेल पनि दिउँसो  ३ बजे बाटै सुरु हुनेछ।