काठमाडौं । गायिका स्मिता दाहालले नयाँ गीत सार्वजनिक गरेका छन् । गायिका दाहालले करिब एक वर्षको अन्तरालपछि नयाँ गीत ‘आँखामा गाजल’ सार्वजनिक गरेका हुन् । गीतमा राजनराज शिवाकोटीले शब्द र सङ्गीत दिएका छन् । श्रव्यदृश्यमा समेत गायिका दाहाल र कुन्साङ्ग बम्जनको अभिनय देख्न सकिन्छ ।
“अध्ययनमा व्यस्त भएका कारण नयाँ गीत ल्याउन सकेकी थिइनँ । पढाइसँगै गायनलाई पनि निरन्तरता दिने सोच छ”, दाहालले भने । सरोज ओलीको निर्देशन, सुदीप बरालको छायाङ्कन र भूपेन्द्र अधिकारीको सम्पादन रहेको उक्त श्रव्यदृश्यको गम्भीर विष्टले नृत्य निर्देशन गरेका हुन । गायिका दाहालको ‘मायालु तिमी कता छौँ’, ‘पानी कुवाको’, ‘मालिङ्गो’ लगायत गीत लोकप्रिय छन् ।
प्रतिक्रिया दिनुहोस्