आज तोलामा ७०० रुपैयाँले घट्यो सुनको मूल्य

काठमाडौं । नेपाली बजारमा आज पनि सुनको मूल्य घटेको छ । कारोबार साताको पाँचौं दिन बिहीबार ५०० ले घटेको सुनको मूल्य आज अन्तिम दिन प्रतितोला ७०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ९ हजार ८०० मा कारोबार भइरहेको छ भने तेजाबी सुनको मूल्य १ लाख ९ हजार ३०० रुपैयाँ कायम भएको छ ।

चाँदीको मूल्य आज १ हजार ३३५ रुपैयाँ कायम भएको छ । चाँदीको मूल्य  अघिल्लो दिनको तुलनामा प्रतितोला २५ रुपैयाँले घटेको हो ।