ड्रागन बोट रेसको उपाधि सिचुवानलाई

पाेखरा । नेपाल–चीन मैत्रीपूर्ण ड्रागन बोट रेस चीनको सिचुवान ड्रागन बोट टोलीले हात पारेको छ। शुक्रबारदेखि जारी खेलमा २ सय र ५ सय मिटरको दुवै प्रतिस्पर्धामा सिचुवानले जीत हात पारेको हो।

यो सँगै सिचुवानले ५ लाख ५० हजारको दरले ११ लाख रुपैयाँको पुरस्कार राशि हात पारेको छ। प्रतियोगितामा नेपाली टिम नारा ड्रागन दोस्रो भएको छ। दुवै विधामा दोस्रो स्थान बनेसँगै नाराले ३ लाख ५० हजार रुपैयाँका दरले ७ लाख रुपैयाँ हात पारेको हो।

चीनकै युनान ड्रागन बोट टिम तेस्रो भएको छ। युनानले २ लाखका दरले ४ लाख रुपैयाँ हात पारेको हो। फेस्टिबलमा प्रयोग गरिएको ८ वटा डुंगा चीन सरकारले पोखरा महानगरपालिकालाई हस्तान्तरण गरेको छ।