प्रतितोला १०० रुपैयाँले घट्यो सुनको मूल्य

काठमाडौं । नेपाली बजारमा आज पनि सुनको मूल्य घटेको छ । कारोबार साताको पाँचौं दिन बिहीबार १०० रुपैयाँले बढेको सुनको मूल्य आज अन्तिम दिन शुक्रबार भने प्रतितोला १०० रुपैयाँले नै घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १० हजार ६०० मा कारोबार भइरहेको छ भने तेजाबी सुनको मूल्य १ लाख १० हजार ५० रुपैयाँ कायम भएको छ ।

चाँदीको मूल्य आज १ हजार ३७५ रुपैयाँ कायम भएको छ । चाँदीको मूल्य  अघिल्लो दिनको तुलनामा २० रुपैयाँ घटेको हो ।