तोलामा २०० रुपैयाँले बढ्यो सुनको मूल्य

काठमाडौं । नेपाली बजारमा आज सुनको मूल्य बढेको छ । कारोबार साताको दोश्रो दिन सोमबार तोलामा ३०० रुपैयाँले घटेको सुनको मूल्य कारोबार साताको तेश्रो दिन आज भने मूल्य बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा २०० रुपैयाँ बढेर १ लाख १२ हजार २०० रुपैयाँमा कारोबार भइरहेको छ । यस्तै तेजावी सुन तोलामा १ लाख ११ हजार ६५० रुपैयाँमा कारोबार भइरहेको छ ।

आज चाँदीको मूल्य भने घटेको छ । सोमबार तोलामा ५ रुपैयाँ घटेर प्रतितोला  १ हजार ४६० मा कारोबार भएको चाँदीको मूल्य आज पनि ५ रुपैयाँ घटेर प्रतितोला १ हजार ४५५ मा कारोबार भइरहेको छ ।