फिफा महिला विश्वकप: आजदेखि प्रि–क्वाटरफाइनलका खेल हुँदै

एजेन्सी ।  फिफा महिला विश्वकप फुटबल अन्तर्गत आजदेखि प्रि-क्वाटरफाइनलका खेल सुरु हुँदै छन् । प्रि–क्वाटरफाइनलमा आज दुईवटा खेल हुनेछन् ।

आज स्विट्जरल्याण्ड र स्पेन तथा जापान र नर्वेबीच प्रतिस्पर्धा हुनेछ । स्विट्जरल्याण्ड र स्पेनबीचको खेल नेपाली समय अनुसार बिहान पौने ११ बजे हुनेछ । समूह ‘ए’बाट स्विट्जरल्याण्ड समूह विजेता बन्दा स्पेन समूह ‘सी’ को उपविजेता बनेको थियो ।

यस्तै आजै हुने अर्को खेलमा दिउँसो पौने २ बजे जापान र नर्वे आमनेसामने हुनेछन् । जापान समूह ‘सी’को विजेता हो भने नर्वे समूह ‘ए’ को उपविजेता हो ।