तोलामा १०० रुपैयाँले घट्यो सुनको मूल्य

काठमाडौं । नेपाली बजारमा आज सुनको मूल्य घटेको छ । कारोबार साताको तेश्रो दिन मंगलबार घटेको सुनको मूल्य आज चौथो दिन पनि घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १०० रुपैयाँले घटेर १ लाख १२ हजार रुपैयाँमा कारोबार भइरहेको छ । यस्तै तेजावी सुन तोलामा १ लाख ११ हजार ४५० रुपैयाँमा कारोबार भइरहेको छ ।

आज चाँदीको मूल्य पनि घटेको छ । मंगलबार प्रतितोला १ हजार ४०० रुपैयाँमा कारोबार भएकोमा आज भने १० रुपैयाँ घटेर १ हजार ३९० रुपैयाँमा कारोबार भइरहेको छ ।