तोलाको एक लाख १३ हजार पुग्यो सुनको मूल्य

काठमाडौं । नेपाली बजारमा आज पनि सुनको मूल्य बढेको छ । साताको पहिलो दिन आइतबार बढेको सुनको मूल्य आज दोश्रो दिन पनि बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य  तोलामा ४०० रुपैयाँले वृद्धि भइ प्रतितोला १ लाख १३ हजार रुपैयाँमा कारोबार भइरहेको छ । यस्तै तेजावी सुन तोलामा १ लाख १२ हजार ४५० रुपैयाँमा कारोबार भइरहेको छ ।

आज चाँदीको मूल्य पनि बढेको छ । आज चाँदीको मूल्य तोलामा ५ रुपैयाँ बृद्धि प्रतितोला १ हजार ४६५  रुपैयाँमा कारोबार भइरहेको छ ।