हुम्ला । तुइन तर्ने क्रममा खस्दा कर्णाली नदीमा एक जना बेपत्ता भएका छन् । हुम्लाको सर्केगाड गाउँपालिका(२ रिपस्थित ल्याप्चे घाटमा शनिबार तुइन तर्ने क्रममा डोरी चुँडिदा ३८ वर्षीय मक्करसिंह नेपाली कर्णाली नदीमा खसेर बेपत्ता भएका हुन् ।
तुइनको डोरी चुँडिएपछि मुगु जिल्ला, सोरु गाउँपालिका ५ नेर गाउँका नेपाली बेपत्ता भएको कर्णाली करिडोर सडक निर्माण कार्यदल सुनाखाडाले जानकारी दिएको बराहदल गुल्म रानीबन ब्यारेक सिमकोटका गुल्मपती सेनानी दिनेश खड्काले जनाए ।
कर्णाली करिडोरको ग्युसी(छारे खण्डको छारे भिरमा सडक निर्माणको काम गर्न मुगुबाट आएका नेपाली काम सकेर बासस्थानतिर जान तुइन तर्नेक्रममा नदीमा खसेर बेपत्ता भएको सेनानी खड्काले जानकारी दिए ।
तुइनको डोरी चुँडिएर नेपाली बेपत्ता भएपछि सडक निर्माणमा काम गर्ने कामदार, नेपाली सेना र स्थानीयले कर्णाली नदीमा खोजी गरेपनि शनिबार बेलुकासम्म फेला पार्न सकेका छैनन् ।
प्रतिक्रिया दिनुहोस्