दमक\ सिनेम्याट्रोग्राफी र कोरीयोग्राफीमा समेत स्थापित निर्देशक भुपेन्द्र तुम्बाहाङफे र मोडल परिक्षा लिम्बूद्वारा अभिनित ‘लुकी लुकी’ को म्यूजिक भिडियो सार्वजनिक गरिएको छ । थैली इन्टरटेन्मेन्टको पोष्ट प्रडक्शन रहेको भिडियो थैली इन्टरटेन्मेन्टको अफिसियल युट्यूव च्यानलबाट सार्वजनिक गरिएको हो ।
शनिबार एक कार्यक्रमविच दमक स्थित गोर्खा डिपार्टमेन्ट स्टोरको सभालमा चुलाचुली गाउँपालिकाका अध्यक्ष राजेन्द्र केरुङको प्रमुख आतिथ्यमा ‘लुकी लुकी’ म्यूजिक भिडियो सार्वजनिक गरिएको हो ।गीतकार गणेश थक्लुङको शब्द, गायक तथा संगीतकार टंक बुढाथोकीको संगीतमा टंक बुढाथोकी र गायीका मेलिना राईको आवाज रहेको छ ।
दिवस गिरीको कोरीयोग्राफीमा साउथ इन्डियन स्टाइलको रोमान्सले भरिएको डान्स तथा रोचक कथा समेत समाबेश गरिएको भिडियोलाई मज्जाको राईले छायांकन गरेका हुन् भने सम्पादन अनिल रानाले गरेका हुन् । गणेश थक्लुङ र कृष्ण गुरुङको निर्माणमा सञ्जु थलङको मेकअप, किरण न्यौपानेको सहायक छायांकन र खगेन्द्र वजी लिम्बूको आर्ट प्रोडक्शन रहेको छ ।
मिक्लाजुङ गाउँपालिकाका अध्यक्ष बबी राई , नेपाल आदिवासी जनजाति पत्रकार महासंघ झापाका अध्यक्ष भुमिका लिम्बू , समाजसेवी वदी साङपाङलगायतले भिडियोको बारेमा मन्तव्य राखेका थिए ।
निर्देशक तथा कोरियोग्राफर दिनेश माङमुको अध्यक्षतामा सम्पन्न कार्यक्रमको सञ्चालन जितेन साङपाङले गरेको थिए भने स्वागत मिना नेम्बाङले गरेकी थिइन् ।
प्रतिक्रिया दिनुहोस्