तोलामा १००० रुपैयाँले बढ्यो सुनको मूल्य

काठमाडौं । नेपाली बजारमा आज फेरि सुनको मूल्य बढेको छ । कारोबार साताको पाँचौं दिन बिहीबार घटेको सुनको मुल्य आज कारोबार साताको अन्तिम दिन शुक्रबार भने बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार रुपैयाँले बढेर छापावाल प्रतितोला १ लाख १४ हजार ७ सय रुपैयाँमा कारोबार भइरहेको छ । यस्तै तेजावी सुन तोलामा १ लाख १४ हजार १५० रुपयाँमा कारोबार भइरहेको छ ।

आज चाँदीको मूल्य पनि बढेको छ । आज चाँदीको मूल्यमा प्रतितोला २० रुपयाँले बढेर १ हजार ४०० रुपयाँमा कारोबार भइरहेको छ ।