काठमाडौं । नेपाल सुपर लिग (एनएसएल) २०२३ को दोस्रो दिन आज दुई खेल हुँदैछन् । जसमा पोखरा थण्डर्स र एफसी चितवनबीच पहिलो खेल हुनेछ । यो खेल दिउँसो १ बजे दशरथ रंगशालामा सुरु हुने कार्यतालिका छ ।
पोखराको मार्कीमा युवा विगंर आयुष घलान छन् भने प्रशिक्षकमा नवीन न्यौपाने छन् । यो टिममा युवा खेलाडीहरुका साथै नेपालमा घरेलु फुटबल खेलिसकेका विदेशी खेलाडीहरु छन् ।
यस्तै दोस्रो खेल साँझ साढे ५ बजे ललितपुर सिटी एफसी र एफसी बुटलव लुम्बिनीबीच हुनेछ । ललितपुरको मार्कीमा राष्ट्रिय टिमका डिफेण्डर अनन्त तामाङ छन् । यस्तै पहिलो सिजन ललितपुरबाटै खेलेका एरिक विषट यस पटक बुटवल लुम्बिनीको मार्की प्लेअरमा छन् ।
प्रतिक्रिया दिनुहोस्