सुनको मूल्यमा नयाँ रेकर्ड

काठमाडौं । नेपाली बजारमा आज सुनको मूल्यले नयाँ रेकर्ड राखेको छ । कारोबार साताको दोश्रो दिन सोमबार र आज मंगलबार दुवै दिन सुनको मूल्यले रेकर्ड राखेको हो ।

नेपाल सुनचाँदी व्यवसायी महासंघका अनुसार तोलामा ३०० रुपैयाँले वृद्धि भएर आज छापावाल सुनको मूल्य प्रतितोला १ लाख १७ हजार ७०० रुपैयाँमा कारोबार भइरहेको छ । यस्तै तेजावी सुन तोलामा १ लाख १७ हजार १५० रुपयाँमा कारोबार भइरहेको छ ।

आज चाँदीको मूल्य भने स्थिर रहेको छ । चाँदीको मूल्य सोमबार तोलामा १५ रुपैयाँले बढेर प्रतितोला १ हजार ५०० रुपैयाँमा कारोबार भएकोमा आज पनिा सोही मूल्य कायम भएको हो ।