सुनको मूल्य इतिहासमै उच्च रेकर्ड

काठमाडौं । नेपाली बजारमा आज पनि सुनको मूल्यले नयाँ रेकर्ड राखेको छ । कारोबार साताको दोश्रो दिन सोमबारदेखि निरन्तर सुनको मूल्यले  रेकर्ड राखेको हो ।

नेपाल सुनचाँदी व्यवसायी महासंघका अनुसार तोलामा १६०० रुपैयाँले वृद्धि भएर आज छापावाल सुनको मूल्य प्रतितोला १ लाख १९ हजार ३०० रुपैयाँमा कारोबार भइरहेको छ । यस्तै तेजावी सुन तोलामा १ लाख १८ हजार ७५० रुपयाँमा कारोबार भइरहेको छ ।

आज चाँदीको मूल्य पनि बढेको छ । चाँदीको मूल्य बुधबार तोलामा २० रुपैयाँले बढेर प्रतितोला १ हजार ५२० रुपैयाँमा कारोबार भईरहेको छ ।