बुधबार ऐतिहासिक बनेको सुनको मूल्य आज भने स्थिर

काठमाडौं । नेपाली बजारमा बुधबार ऐतिहासिक बनेको सुनको मूल्य आज भने स्थिर रहेको छ । कारोबार साताको दोश्रो दिन सोमबारदेखि निरन्तर बढेर रेकर्ड कायम गरेकोमा आज कारोबार साताको पाँचौं दिन बिहीबार भने स्थिर रहेको हो ।

नेपाल सुनचाँदी व्यवसायी महासंघका अनुसार बुधबार तोलामा १६०० रुपैयाँले वृद्धि भएर छापावाल सुनको मूल्य प्रतितोला १ लाख १९ हजार ३०० रुपैयाँमा कारोबार भइरहेको छ । यस्तै तेजावी सुन तोलामा १ लाख १८ हजार ७५० रुपयाँमा कारोबार भइरहेको छ ।

आज चाँदीको मूल्य पनि स्थिर रहेको । चाँदीको मूल्य बुधबार तोलामा २० रुपैयाँले बढेर प्रतितोला १ हजार ५२० रुपैयाँमा कारोबार भएकोमा आज पनि सोही मूल्यमा कारोबार भइरहेको छ ।