तोलामा ३०० रुपैयाँले घट्यो सुनको मूल्य

काठमाडौं । नेपाली बजारमा आज सुनको मूल्य घटेको छ । पछिल्लो समय तीनदिन लगातार रेकर्ड बनाएर बिहीबार स्थिर रहेको सुनको मूल्य कारोबार साताको अन्तिम दिन आज शुक्रबार भने घटेको हो ।

नेपाल सुनचाँदी व्यवसायी महासंघका अनुसार तोलामा ३०० रुपैयाँले घटेर आज छापावाल सुनको मूल्य प्रतितोला १ लाख १९ हजार रुपैयाँमा कारोबार भइरहेको छ । यस्तै तेजावी सुन तोलामा १ लाख १८ हजार ४५० रुपयाँमा कारोबार भइरहेको छ ।

आज चाँदीको मूल्य भने बढेको छ । चाँदीको मूल्य शुक्रबार तोलामा २० रुपैयाँले बढेर प्रतितोला १ हजार ५४० रुपैयाँमा कारोबार भईरहेको छ ।