तोलामा २०० रुपैयाँले बढ्यो सुनको मूल्य

काठमाडौं । नेपाली बजारमा आज पनि सुनको मूल्य बढेको छ । कारोबार साताको चौथो दिन बुधबार घटेको सुनको मूल्य साताको पाँचौ दिन बढेको हो ।

नेपाल सुनचाँदी व्यवसायी महासंघका अनुसार तोलामा २०० रुपैयाँले बढेर आज छापावाल सुनको मूल्य प्रतितोला १ लाख १८ हजार ६०० रुपैयाँमा कारोबार भइरहेको छ । यस्तै तेजावी सुन तोलामा १ लाख १८ हजार ५० रुपयाँमा कारोबार भइरहेको छ ।

आज चाँदीको मूल्य घटेको छ । चाँदीको मूल्य आज बुधबार तोलामा २० रुपैयाँले घटेर प्रतितोला १ हजार ४६० रुपैयाँमा कारोबार भइरहेको छ ।