तोलामा २०० रुपैयाँले बढ्यो सुनको मूल्य

काठमाडौं । नेपाली बजारमा आज पनि सुनको मूल्य बढेको छ । कारोबार साताको पाँचौ दिन बिहिबार बढेको सुनको मूल्य कारोबार साताको अन्तिम दिन पनि बढेको हो ।

नेपाल सुनचाँदी व्यवसायी महासंघका अनुसार तोलामा २०० रुपैयाँले बढेर आज छापावाल सुनको मूल्य प्रतितोला १ लाख १८ हजार ८०० रुपैयाँमा कारोबार भइरहेको छ ।

यस्तै तेजावी सुन तोलामा १ लाख १८ हजार २५० रुपयाँमा कारोबार भइरहेको छ । आज चाँदीको मूल्य स्थिर रहेको छ । चाँदीको मूल्य प्रतितोला १ हजार ४६० रुपैयाँमा कारोबार भइरहेको छ ।