काठमाडाैँ । नक्कली भुटानी शरणार्थी प्रकरणमा अदालतबाट ३० लाख धरौटीमा छुटेका कांग्रेस नेता एवं पूर्व गृहमन्त्री बालकृष्ण खाँणसँग सम्पत्ति शुद्धीकरण अनुसन्धान विभागले १५ लाख धरौटी मागेको छ ।
शुक्रवार दिउँसो अदालतबाट छुटेका खाँणलाई सम्पत्ति शुद्धीकरण विभागमा ल्याइएको थियो ।
बयानपछि विभागले खाँणसँग १५ लाख धरौटी माग गरेको हो । जग्गा धितो राखेर खाँणले बैंक ग्यारेन्टी पेस गरेका छन् । अदालतमा पनि उनले बैंक ग्यारेन्टी पेस गरेका थिए ।
सम्पत्ति शुद्धीकरणमा भएको बयानमा खाँणले आफैं लेखेर जवाफ दिएका छन् ।
खाँणलाई शुक्रवार नै अख्तियार दुरुपयोग अनुसन्धान आयोगमा उपस्थित गराइँदैछ ।
अख्तियारबाट पनि धरौटी वा साधारण तारेख पाए खाँण आजै रिहा हुनेछन् ।
प्रतिक्रिया दिनुहोस्