धनकुटा\ धनकुटाको एक घरमा आगलागी हुँदा ११ लाख बराबरको क्षति भएको छ । आइतबार दिउँसो धनकुटा नगरपालिका–५ कर्मिटारका विश्वबन्धु थापाको घरमा आगलागी भएको जिल्ला प्रहरी कार्यालय धनकुटाले जनाएको छ ।
घरनजिकै रहेको गोठमा खोले पकाउनेक्रममा सल्केको आगोबाट घरायसी सामानहरु लत्ताकपडा, अन्नपात, खाद्यान्न, भाँडाकुँडा, गाइगोठ र पराल गरी करिब ११ लाख बराबरको क्षति भएको प्रहरीले जनाएको छ ।
धनकुटा नगरपालिकाको दमकल र स्थानीयको सहयोगमा सो आगलागी नियन्त्रणमा लिइएको जिल्ला प्रहरी कार्यालय धनकुटाका प्रहरी निरीक्षक अनिलकुमार शाहले जानकारी दिए ।
प्रतिक्रिया दिनुहोस्