विराटनगर, कोशी प्रदेशका सांसद बुद्धिकुमार राजभण्डारीले रिक्त रहेको सभामुख चयनको प्रक्रिया सुरु गर्न माग गरेका छन् । बुधबार प्रदेशसभाको शुन्य समयमा बोल्दै सांसद राजभण्डारीले ‘खै सभामुख ?’ भन्दै सरकारलाई प्रश्न गरे ।
सदनको कामलाई प्रभावकारी बनाउन सभामुखसँगै विषयगत समितिका सभापतिहरु पनि चाडै चयन गर्न उनले सरकारको ध्यानाकर्षण गराएका छन् ।
मुख्यमन्त्री केदार कार्की सदन छलेर उद्धाटनमा रमाउन थालेको बताउँदै राजभण्डारीले भने, ‘मुख्यमन्त्रीले सदनमा आएर सबै दलहरुसँग छलफल गरेर सभामुख र सभापतिहरु नियुक्तिको निम्ति प्रयत्न गरिदिनुपर्यो ।’
यस्तै उनले पहाड र हिमाली भेगका जनप्रतिनिधि र कर्मचारीलाई सहज हुने गरी तालिम र गोष्ठी सञ्चालन गर्न सरकारलाई आग्रह गरेका छन् । ‘तराईलाई केन्द्रित गरेर मात्रै सञ्चालन गर्ने हो भने हाम्रा जिल्लाका कर्मचारीले कसरी सहभागीता जनाउँछन् ? आउन र जानमै समय बित्छ,’ उनले भने ।
प्रतिक्रिया दिनुहोस्