दमक/ ज्यान मार्ने उद्योग मुद्धामा फरार रहेका झापा दमक ३ का एक युवा पक्राउपछि कारागार चलान भएका छन । गत असार २९ गते झापा जिल्ला अदालतबाट सो मुद्धामा ३ बर्ष कैदसहित ३० हजार रुपैयाँ र पीडित राहत कोषमा ५० हजार जम्मा गर्नुपर्ने फैसला सुनाइएका दमक ३ का २३ बर्षिय शम्भु लिम्बु कारागार चलान भएका हुन ।
दमक ३ घर भई हाल वडा नं २ मा बस्दै आएका लिम्बुलाई जिल्ला प्रहरी कार्यालय झापा र इलाका प्रहरी कार्यालय दमकको टोलीले विशेष सुचनाका आधारमा गत सोमबार पक्राउ गरेको थियो । उनलाई बिहिबार अदालतमा उपस्थित गराएर कारागार पठाइएको जिल्ला प्रहरी कार्यालय झापाले जनाएको छ ।
प्रतिक्रिया दिनुहोस्