दमक\ बाह्र वर्षमा त खोलो पनि फर्किन्छ भन्ने नेपाली उखान छ । झापाको एउटा खोलामा निर्माण थालेर अलपत्र पारिएको एउटा पुलको योजनामा पनि यस्तै अवस्था आएको छ । बाह्र बर्ष वितिसक्दा समेत झापाको बहुप्रतिक्षित कन्काई नदिको पुल बन्न सकेको छैन । २०६८ सालमा ३४ करोडमा ठेक्का लागेको पुल निर्माणका लागि पाँच पटक यस अघिनै म्याद थप भई सकेको छ । यस्तै पछिल्लो पटक छैटौं पटक म्याद थप गरेर यस बर्ष ठेकेदार कम्पनी महादेव खिम्तीले मुख्य संचरनाको काम सक्ने गरी निर्माण थालेको दावि गरेको छ ।
झापाको कन्काई नदिमा चार बर्षमा सक्ने भनेर थालिएको पुल बाह्र बर्ष बितिसक्दासम्म पनि निर्माण हुन नसक्दा स्थानीय हैरानी भोगन बाध्य छन् । काम नै नसकी पुल निर्माणका सामानहरु नष्ट भएर अलपत्र रहेको पुल हालै आएर बन्न थालेपछि अब भने पुल बन्लाकी भन्ने आशा पलाएको स्थानीयले बताएका छन् ।
सात सय २४ मिटर लम्बाईको पुल २०७२ जेठ मसान्तमा निर्माण सक्नुपर्ने हो । तर लामो समय अलपत्र परेको पुल निर्माणको कामले यस बर्षदेखि केही तिव्रता पाएको छ । यस बर्ष मुख्य संरचनाको काम बर्षात अगावै सक्ने गरी काम भइरहेको ठेकेदार कम्पनिका इन्जिनियर सरोजकुमार यादवले बताए ।
झापा खण्डमा पर्ने ४८ किलो मिटर हुलाकी सडक पुलको एप्रोच खण्डबाहेक निर्माण सम्पन्न भइसकेको छ । तर पुल नबनेकाले दुईतर्फ खोला तथा नदिले घेरेको गाउँपालिका पर्दा पैसा तिर्नुपर्ने बाध्यता रहेको छ ।
प्रतिक्रिया दिनुहोस्