काठमाडाैँ । केपी ओली कप २०८० फुटबल प्रतियोगिता यही ११ फागुनदेखि आयोजना हुने भएको छ ।
एमाले सम्बद्ध युवा संगठन युवा संघ नेपालले बुधबार पत्रकार सम्मेलन गरी प्रतियोगिताबारे जानकारी दिएको हो ।
११ फागुनमा उद्घाटन हुने उक्त प्रतियोगिताको फाइनल खेल भने १९ फागुनमा हुने जनाइएको छ ।
युवा संघका अनुसार प्रतियोगिताअन्तर्गत फाइनलबाहेकका प्रतियोगिताहरू एन्फा टेक्निकल सेन्टर च्यासलमा खेलाइनेछ भने फाइनल खेल दशरथ रंगशाला त्रिपुरेश्वरमा खेलाइने छ । प्रतियोगितामा नेपालका ए डिभिजन तथा विदेशी टिमलाई समेत सहभागी गराइने युवा संघले जनाएको छ ।
प्रतियोगितामा प्रथम हुनेलाई ११ लाख, द्वितीय हुनेलाई ५ लाख नगद पुरस्कार प्रदान गरिने छ । त्यस्तै उत्कृष्ट खेलाडीलाई एक लाख, उत्कृष्ट गोलरक्षकलाई ५० हजार, उत्कृष्ट गोलकर्तालाई ५० हजार, उत्कृष्ट उदीयमान खेलाडीलाई ५० हजार प्रदान गरिने छ । त्यस्तै म्यान अफ दी म्याचलाई १५ हजार र हरेक खेल विजेता टिमला २५ हजार प्रदान गरिने आयोजकले जानकारी दिएको छ ।
प्रतिक्रिया दिनुहोस्