तोलामा ४०० रुपैयाँले घट्यो सुनको मूल्य

काठमाडौं । नेपाली बजारमा आज पनि सुनको मूल्य घटेको छ । कारोबार साताको पहिलो दिन आइतवार घटेको सुनको मूल्य कारोबार साताको दोश्रो दिन आज सोमबार पनि तोलामा ४०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १८ हजार ५०० रुपैयाँमा कारोबार भइरहेको छ । यस्तै तेजावी सुन तोलामा १ लाख १७ हजार ९५० रुपयाँमा कारोबार भइरहेको छ ।

आज चाँदीको मूल्य पनि घटेको छ । तोलामा ५ रुपैयाँले घटेको चाँदी आज प्रतितोला १ हजार ३९० रुपैयाँमा कारोबार भइरहेको छ ।