तोलामा १२०० रुपैयाँले घट्यो सुनको मूल्य

काठमाडौं । नेपाली बजारमा आज पनि सुनको मूल्य घटेको छ । कारोबार साताको तेश्रो दिन मंगलबार घटेको सुनको मूल्य कारोबार साताको चौथो दिन आज बुधबाबार भने तोलामा १ हजार २००ले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १६ हजार ५०० रुपैयाँमा कारोबार भइरहेको छ । यस्तै तेजावी सुन तोलामा १ लाख १५ हजार ९५० रुपयाँमा कारोबार भइरहेको छ ।

चाँदीको मूल्य पनि आज घटेको छ । मंगलबार तोलामा प्रतितोला १ हजार ३९५ रुपैयाँमा कारोबार भएको चाँदी आज तोलामा ३० रुपैयाँले घटेर कारोबार भइरहेको छ ।