आज सुनको मूल्य स्थिर

काठमाडौं । नेपाली बजारमा आज पनि सुनको मूल्य स्थिर रहेको छ । कारोबार साताको चौथो दिन बुधबार घटेको सुनको मूल्य कारोबार साताको पाँचौं दिन आज बिहीबार भने स्थिर रहेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १६ हजार ५०० रुपैयाँमा कारोबार भइरहेको छ । यस्तै तेजावी सुन तोलामा १ लाख १५ हजार ९५० रुपयाँमा कारोबार भइरहेको छ ।

चाँदीको मूल्य भने आज बढेको छ । बुधबार प्रतितोला १ हजार ३६५ रुपैयाँमा कारोबार भएको चाँदी आज तोलामा १० रुपैयाँले बढेर कारोबार भइरहेको छ ।