प्रतितोला ५०० रुपैंयाँले बढ्यो सुनको मूल्य

काठमाडौं । नेपाली बजारमा आज सुनचाँदीको मूल्य बढेको छ ।  सुन आज प्रतितोला ५०० ले बढेको छ । यस्तै चाँदीको मूल्यमा पनि आज २० रुपैंयाँले वृद्धि भएको छ ।

कारोबार साताको अन्तिम दिन शुक्रबार बढेको सुनको मूल्य आज कारोबार साताको पहिलो दिन आइतबार पनि बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १७ हजार ६०० रुपैयाँमा कारोबार भइरहेको छ । यस्तै तेजावी सुन तोलामा १ लाख १७ हजार ५० रुपयाँमा कारोबार भइरहेको छ । यस्तै चाँदी प्रतितोला १ हजार ४३० रुपैयाँमा कारोबार भइरहेको छ ।