एकै दिन २ हजार रुपैयाँले बढ्यो सुनको मूल्य

काठमाडौं । आइतबार एकै दिन सुनको मूल्य तोलामा २ हजार रुपैयाँ बढेको छ । नेपाल सुनचाँदी व्यवसायी महासंघका अनुसार अघिल्लो कारोबार दिन तोलाको १ लाख १९ हजार रुपैयाँ रहेको सुन आज १ लाख २१ हजार पुगेको छ ।

यस्तै तेजाबी सुन एक लाख २० हजार ४०० मा कारोबार भएको छ ।

त्यस्तै चाँदीको मूल्य पनि आइतबार तोलाको २० रुपैयाँले बढेको छ । अघिल्लो कारोबार दिन तोलाको १ हजार ३९० रुपैयाँ रहेको चाँदी आइतबार १ हजार ४१० रुपैयाँ कायम भएको छ ।