दार्चुला । सुत्केरी व्यथा लागेकी एक महिलालाई रक्तश्राव भएपछि दार्चुलाबाट हवाइ उद्वार गरिएकाे छ । आइतबार बिहान लेकम गाउँपालिका-३ लालीबाट महिलाको हवाई उद्धार गरिएको हाे ।
गाउँपालिकाकाे ३ नम्बर वडा मकन्ना बस्ने ३६ वर्षीया हरिनादेवी जोशीको राष्ट्रपति महिला उत्थान कार्यक्रम अन्तर्गत थप उपचारको लागी सुर्खेत लगिएको ईलाका प्रहरी कार्यालय लालीका प्रहरी निरीक्षक डम्बर दत्त भट्टले बताएका छन् ।
शनिबार राती १२ बजेबाट लाली स्वास्थ्य चौकीमा पुर्याइएकी जोशीलाई रक्तश्राव (ब्लडिङ) को समस्या देखिएपछि गाउँपालिका र जिल्ला प्रशासनको पहलमा थप उपचारको लागि सुर्खेत लगिएको बताइएको छ ।
प्रतिक्रिया दिनुहोस्