काठमाडौँ । नेपाली बजारमा आज सुनको मूल्यले पुनः नयाँ रेकर्ड कायम गरेको छ । लगातार वृद्धि हुँदै आएको सुनको मूल्यमा आज भएको वृद्धिपछि हालसम्मकै उच्च मूल्य कायम भएको हो । अन्तर्राष्ट्रिय बजारमा पनि लगातार सुनमा मूल्य वृद्धि हुँदा त्यसको प्रभाव नेपाली बजारमा परेको हो ।
नेपाल सुनचाँदी व्यवसायी महासङ्घका अनुसार आज तोलामा पाँच सयले वृद्धि भएको छ । आइतबार प्रतितोला एक लाख ५८ हजार एक सयमा कारोबार भएको छापावाला सुन साेमबारका लागि एक लाख ५९ हजार दुई सय निर्धारण भएको थियाे । मंगलबार भने एक लाख ५९ हजार सात सयमा काराेबार भयाे । बुधबार यसमा थप सात सयले बढ्दै एक लाख ६० हजार चार सयमा काराेबार भइरहेकाे छ ।
यस्तै, चाँदीको मूल्य पनि आज हालसम्मकै उच्च विन्दुमा पुगेकाे छ । ४० रुपैंयाँले बढेकाे चाँदी आज एक हजार नौ सय ५५ रुपैंयाँ निर्धारण भएको छ ।
प्रतिक्रिया दिनुहोस्