सुनको मूल्यमा आज फेरि नयाँ रेकर्ड

काठमाडौं । सुनको मूल्यले आज फेरि नयाँ रेकर्ड बनाएको छ। नेपाली बजारमा  शुक्रबार सुनको मूल्यमा बृद्धि हुँदै नयाँ रेकर्ड कायम भएको थियाे । यसले आज पनि निरन्तरता पाएकाे छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य शुक्रबारको तुलनामा तोलामा ६ सय रूपैयाँले बढेको हो । आज सुन तोलाको १ लाख ६५ हजार रूपैयाँमा कारोबार भइरहेको छ ।

यस्तै, आज चाँदीको मूल्य पनि ह्वात्तै बढेर अहिलेसम्मकै उच्च बिन्दुमा पुगेकाे छ । शुक्रबार चाँदी प्रतितोला १ हजार ९ सय ८० रूपैयाँमा कारोबार भएकोमा आज ९५ रुपैंयाँले बढेर २ हजार ७५ रूपैयाँमा काराेबार भइरहेकाे  महासंघले जनाएको छ ।