काठमाडाैं । रुकुम पूर्वको पुथाउत्तरगंगा गाउँपालिकाको उपाध्यक्षमा माओवादी केन्द्रकी नरपुरा बुढा विजयी भएकी छन् ।
कांग्रेस–एमाले गठबन्धनलाई फराकिलाे मतान्तरले हराउँदै उनी विजयी भएकी हुन् ।
माओवादीकी बुढाले ३ हजार ६ सय २७ मत ल्याउँदा कांग्रेसको चुनाव चिह्नमा लडेकी एमालेकी केशकुमारी तुलाचनले २ हजार १ सय २८ मत पाइन् ।
तुलाचन नेकपा एमालेकी जिल्ला कमिटीकी उपसचिव हुन् । २०७९ को स्थानीय तह निर्वाचनमा गाउँपालिकाको उपाध्यक्ष माओवादी केन्द्रकी भूपेन्द्रा बुढा निर्वाचित भएकी थिइन् । भूपेन्द्राको गत २८ भदौमा सवारी दुर्घटनामा मृत्यु भएको थियो ।
अहिले उम्मेदवार बनेकी नरपुरा बुढा भूपेन्द्राकी दिदी हुन् ।
प्रतिक्रिया दिनुहोस्