मेष राशि (चु, चे, चो, ला, लि, लु, ले, लो, अ): समय खासै सहज प्रकारको त छैन तर अप्ठ्यारो परिस्थितिमा पनि केही काम बन्नेछन् । प्रयत्न गर्दा समयको सदुपयोग हुनेछ । सानातिना घरेलु समस्यामा नै आजको समय व्यतीत भएपनि त्यसबाट केही न केही लाभ नै हुनेछ । सहयोगीहरूले काममा सहयोगको तत्परता देखाउनेछन् ।

बृष राशि (इ, उ, ए, ओ, बा, बि, बु, बे, बो): सानातिना काम तथा घरेलु समस्यामा अल्झनुपर्ला । सबल स्वास्थ्यका लागि खानपानमा नियन्त्रण गर्नु हितकर होला । आर्थिक पक्ष सबल छ, आश मारेको फल पुनः प्राप्त हुन सक्छ । यात्रामा सोचेजस्तो रमाइलो हुनेछैन, ध्यान राख्नुहोला । आजको दिन नसोचेको ठाउँबाट धनलाभ भइ मन हर्षित हुने योग पनि छ ।

मीथुन राशि (का, कि, कु, घ, ङ, छ, के, को, ह): आजको दिन केही चुनौती सामना गर्नुपर्ला । स्वास्थ्यमा पनि कमजोरी अनुभूति हुनसक्छ । व्यापार–व्यवसायमा भने लाभ हुनेछ । व्यवसाय विस्तारका लागि मनोरञ्जनपूर्ण यात्रा पनि हुन सक्छ । व्यवसायको चापले प्रमी वा प्रेमिकासँग चिसोपन बढ्ने तथा दाम्पत्य सम्बन्धमा सामान्य खटपट रहने सम्भावना छ ।

कर्कट राशि (हि, हु, हे, हो, डा, डि, डु, डे, डो): भाग्योदयको दिन छ । नचिताएको स्थानबाट धनको आगमन हुन सक्छ । शरीर फूर्तिलो भएको महसूस होला । परिणाममुखी काममा लगानीको समय छ । सोख पूर्तिका लागि खर्च भने केही बढ्न सक्छ, ध्यान राख्नुहोला ।

सिंह राशि (मा, मि, मु, मे, मो, टा, टि, टु, टे): मित्रजनका साथै घरपरिवारबाट सुखशान्ति मिल्ने समय छ । प्रियजनसँगको भेटले मन प्रफुल्ल रहला । पराक्रम र उत्साह बढ्नेछ । उद्योग-व्यापारमा विशेष फाइदाको योग छ । प्रतिस्पर्धी परास्त हुनेछन् भने आम्दानी राम्रैगरी बढ्ने देखिन्छ । व्यवहारबाटै नयाँ ज्ञान सिक्ने मौका प्राप्त हुन सक्छ ।

कन्या राशि (टो, प, पि, पु, ष, ण, ठ, पे, पो): चुनौतीका बाबजुद नसोचेको काम बन्न सक्ने समय छ । जीवनसाथी, सन्तति वा विपरीतलिङ्गी साथीसँग सम्बन्ध आत्मीय बन्ने देखिन्छ । रोकिएका काम बन्नाले उत्साह जाग्ला । संघर्ष गरेरै अधिकार स्थापित गर्न सकिनेछ । शत्रुहरू किनारा लाग्नेछन् ।

तुला राशि (र, रि, रु, रे, रो, ता, ति, तु, ते): आजको दिन कृषिकर्म र व्यावसायिक काममा केही चुनौतीको सामना गर्नुपर्ला । इर्ष्यालु पात्रहरू तपाईंको काममा अवरोध पुऱ्याउन सक्रिय हुन सक्छन्, योजना गोप्य राखेर अघि बढ्नुहोला । चुनौती चिर्दै काम सम्पादन गर्न सकिनेछ । काममा सहयोगीहरूले साथ दिनेछन् र सोचेअनुसार सफलता मिल्ने नै देखिन्छ ।

बृश्चिक राशि (तो, ना, नि, नु, ने, नो, या, यि, यु): व्यापारलगायत आर्थिक कार्यमा राम्रै फाइदा हुने समय छ । बौद्धिक क्षेत्रको काममा यात्राको सम्भावना छ । मातापिता, मान्यजन वा विशिष्ट व्यक्तिसँग विवादको सम्भावना रहेकोले सचेतनाको दरकार छ । पठनपाठनमा राम्रै प्रगति हुनेछ तर बौद्धिक अभ्यासमा वादविवादको सामना गर्नुपर्ने योग छ ।

धनु राशि (ये, यो, भ, भि, भु, ध, फा, ढ, भे): अधिकारप्राप्तिका लागि गरिएको प्रतिस्पर्धामा विजयी भइने समय छ । शत्रुहरूको चलखेल बढे पनि तिनले तपाईंलाई हानी पु¥याउन सक्नेछैनन् । अरूको व्यवहारले शंका उब्जाए पनि मान्यजनको सुझाव शिरोधार्य गर्दा फाइदा नै हुनेछ ।

मकर राशि (भो, ज, जि, खि, खु, खे, खो, गा, गि): समग्र हिसाबले समय बलियो नभएपनि बन्दव्यापारबाट फाइदा हुने दिन छ । आर्थिक पक्ष सबल रहला । गहना, कपडा वा धातुको कुनै वस्तु खरिद गर्दा राम्ररी मोलतोल गर्नु हितकर हुनेछ । अप्ठ्यारा परिस्थितिसँग सम्झौता गर्नुपर्दा लक्ष्य प्राप्त गर्न विलम्ब हुनसक्छ ।

कुम्भ राशि (गु, गे, गो, सा, सि, सु, से, सो, द): सामर्थ्य वृद्धि हुनेछ । चुनौती र अप्ठ्यारा हटाउन आज गरिएको प्रयास सफल होला । रमाइलो यात्राको सम्भावना छ र त्यसबाट दीर्घकालिक फाइदा पुग्ने देखिन्छ । विशेष योजना गोप्य राखेर अघि बढ्नुहोला । पुरानो गतिले काम बिग्रन सक्छ ।

मिन राशि (दि, दु, थ, झ, ञ, दे, दो, च, चि): मिहेनत र लगनशीलताले राम्रै उपलब्धि दिलाउने समय भएपनि आजको दिन अतिथि वा पाहुनाको सत्कारमा महत्वपूर्ण समय ब्यतीत हुन सक्छ । समयको गतिलाई पछ्याउन प्रयत्न गर्नु हितकर होला । गुरुजनको सहयोग र बुद्धिको उपयोगले लक्ष्य पहिल्याउन सकिनेछ ।