काठमाडाैं । नेपाल प्रिमियर लिग (एनपीएल)मा जनकपुर बोल्ट्सविरुद्ध सुदूरपश्चिम रोयल्सले पहिला ब्याटिङ गर्ने भएको छ ।
बुधबार बिहान टीयू क्रिकेट मैदानमा जनकपुरका कप्तान अनिलकुमार शाहले टस जितेर पहिला फिल्डिङ गर्ने निर्णय लिएका हुन् ।
जनकपुर अपराजित टोली हो भने सुदूरपश्चिमले एक खेल गुमाएको छ ।
जनकपुर आज पनि जीत निकालेमा २ खेलअगावै प्लेअफ पुग्ने पहिलो टोली बन्ने छ । जनकपुर ४ खेलमा ४ जीतसहित पहिलो र सुदूरपश्चिम ३ जीतसहित दोस्रो स्थानमा छन् ।
आजै हुने दोस्रो खेलमा लुम्बिनी लायन्स र काठमाडौं गुर्खाजबीच प्रतिस्पर्धा हुँदै छ । खेल दिउँसो १ बजेदेखि कीर्तिपुरस्थित त्रिवि क्रिकेट मैदानमा शुरू हुनेछ ।
प्रतिक्रिया दिनुहोस्