काठमाडाैं । नेपाल प्रिमियर लीग एनपीएलमा पाँचौं जीत दर्ता गर्दै जनकपुर बोल्ट्सले शीर्ष ४ मा स्थान पक्का गरेको छ ।
एक खेलअगावै जनकपुरले शीर्ष ४ मा स्थान पक्का गरेको हो ।
अंक तालिकाको शीर्ष स्थानमा पुगेको जनकपुर पहिलो क्वालिफायरका लागि छनोट हुने सम्भावना पनि बलियो बनेको ।
बिहीबार कीर्तिपुरमा काठमाडौं गुर्खाजले दिएको १०२ रनको लक्ष्य जनकपुरले १५ ओभर ५ बलमा ५ विकेट गुमाएर पूरा गर्यो ।
जनकपुरको जीतमा जिमी निसमले २७, हर्स थाकेरले २५ र लाहिरु मिलान्थाले १६ रनको योगदान गरे ।
हारपछि पनि काठमाडौं प्रतियोगितामा जीवित छ । बाँकी २ खेल जितेमा काठमाडौं एलिमिनेटरका लागि छनोट हुने सम्भावना रहन सक्छ ।
प्रतिक्रिया दिनुहोस्