काठमाडाैं । सुदूरपश्चिम रोयल्स एक खेलअगावै नेपाल प्रिमियर लीग (एनपीएल)को प्लेअफमा पुगेको छ ।
पोखरा एभेन्जर्सलाई ५ रनले हराउँदै सुदूरपश्चिमले प्लेअफमा स्थान पक्का गरेको हो ।
कीर्तिपुरस्थित क्रिकेट मैदानमा आइतबार १ सय ५४ रनको लक्ष्य पछ्याएको पोखरा १४८ रनमा अलआउट भयो ।
पोखरालाई लक्ष्यमा पुग्नबाट रोक्ने क्रममा स्कट कुगलाइनले ५, हर्मीत सिंहले ३ तथा सैफ जैबले १ विकेट लिए ।
पोखराका लागि एन्ड्रिस गौसले सर्वाधिक ३६, रेमन रिफरले ३३ र किरण ठगुन्नाले ३२ रनको योगदान गरे ।
सुदूरपश्चिमका लागि आरिफ शेखले सर्वाधिक ४२, ब्रान्डन म्याकमुलेनले २३ र दीपेन्द्र सिंह ऐरीले २० रनको योगदान गरे ।
पोखराका लागि कप्तान कुशल भुर्तेलले २ तथा रायमन रिफर, सागर ढकाल र माइकल लिस्कले १-१ विकेट लिए ।
सुदूरपश्चिमको आफ्नो अन्तिम खेल सोमबार कर्णालीसँग खेल्नेछ । सो खेलले प्लेअफमा पुग्ने चौथो टोलीको टुंगो लगाउने छ ।
यसअघि जनकपुर र चितवन प्लेअफमा पुगिसकेका छन् ।
प्रतिक्रिया दिनुहोस्